[A:529]rdo rje 'chang gzhon nu blo gros yab sras kyi seng ge'i khri ga la ba der mgrin bzang gzigs lpags can gyi rnam par thar ba bzung nas the tshom med par 'dzegs/ 'dus pa'i tshogs kyis bla ma gong ma'i gsol 'debs sngon du 'gro ba'i zhal 'don byin chags pa snang ba 'gyur nges gnang / ja mchod phun tshogs 'dod dgu ma gyer/ spyi so nas ston mo gzab rgyas phog zhal dkar gyi dbul ba/ de thog grwa pa so so'i mjal dar btang / dge slong blo shes kyis thub pa'i dgongs pa rab tu gsal ba'i steng nas bshad pa rgyas par gnang / zhag 'ga' zhig gi bar du thog mar rdo rje brag nas pha rig 'dzin chen po'i chab shog /bsko 'ja'/ mang ja/ sne gzhag bcas/ lcags zam nas bsko 'ja'/ gnang skyes byams mgon gyi gser sku/ sa chen gyi bka' 'bum sogs phon che ba/ grwa spyi tshogs mkhan rin po che/ sde pa star gdong pa/ shing mangs spyi so/ rmor spyi so sogs so so'i mang ja tshan grangs 'ur deng nge ba byung / khri ston mang ja gnyis bkras btags re'i 'gyed bcas phul/ gtor zlog gi rdo rje slob dpon la 'ong dgos tshul ltar bsnyen pa sogs thems gshis lag len phra rags thams cad 'phral 'phral dge slong blo shes kyis khrid nas o zob ma byas par phyin/ nyer dgu'i nyin chas zhugs byas/ gtor rtags kyang legs par byung / dgon pa gsar pa nas bka' 'gyur ba ngag dbang rab brtan lags kyis mang ja'i thog mthong gos tshan grangs gnang / gtor zlog grol nas yar log /slar zla ba gsum pa'i nang du bsam yas