[A:530]brgyud sger pa grub khar rje dbon rin po che dang / sde pa rgyal phrug rab 'byams pa/ rab 'byams pa ngag dbang bstan 'phel/ chos sde nas ge re che chos mdzad lags sogs bdun gru khar pheb/ yar lam sger pa bla brang du shog gnang bar gung tshigs rgyas par stsal/ de nas chos sder 'byor pas dung rgya gling dang / grwa dmangs 'obs steng du bsu bar pheb 'dug /'di lo bka' 'gyur ba ngag dbang rab brtan lags/ shing mang dpon slob sangs rgyas rgyal mtshan/ rdo rje slob dpon chos grags lags/ blo shes lags sogs la mgon pod me 'bar ma/ mkha' spyod ma'i be'u bum sogs kyi lung / bla ma lha khang du gong steng du dge slong ye shes sogs bgres pa rnams la gur gyi dbang grangs bcad dang / srung 'khor brag rdzong ma'i khrid shin tu smin pa phul/ mchog mang grol nas bsnyen gnas ma rnams kyis dbang gzhi stegs pas bla g.yel mthil du khrom shin tu che bar grub rgyal lugs kyi tshe dbang zhis byas/ de dus nam mkha' la 'ja' gur ya mtshan pa chos sde rang gi thog tu 'dug ces gleng / rang nyid tshar chen rdo rje 'chang chen po la mos pa dpag med yod pa'i steng du/ de snga 'ong dus nas grwa pa sgres pa thams cad zhal ras lha khang du tshar chen bla ma'i rtogs brjod cig byung na zhes yang yang gsungs par yod pa de sems la bzhag nas/ 'di lo dge slong kun dga' rgya mtsho/ nang so kun dga' bsod nams/ dge slong tshul khrims rgya mtsho/ phrin las rgya mtsho/ ngag dbang blo mchog bcas chos sde nang gi bris pa lnga/ zhol nas nang so blo bzang yar