[A:532]bzo ba bos/ dung gshog dngul srang nyi shu rtsa gnyis las grub pa'i 'bul sogs legs pa cha/ dung g.yog gnyis la zhor du rag gshog bskyon/ shing mang grwa pa rnams kyis tshogs dung 'di gshog pa bzhes kyin med zer 'dug kyang / bzhes drag song / dung gos kyang gos bzang bsgrigs/ dung mjug tu gos chen gyi rgyal mtshan cha bcas grub/ zla ba drug pa'i nang lho brag tu bteg /lam zhag bdun 'gor/ 'di lo khrom shin tu che bar thon/ dbang / gtor bzlog sngar rgyun ltar byas/ gdan sa nas snyan brgyud kha skong pusti g.yar po zhus pa'i bka' bcu kun dga' bsam 'grub kyis 'di lo snyan brgyud pusti shog grangs bdun brgya lhag pa spus dag pa glegs shing na bza' cha tshang bcas bzhengs/ zla ba phyed gsum tsam bsdad/ tshogs dung zhal bsror bla brang nas mang ja/ gsol gro/ bkras btags kyi 'gyed/ dung dar legs pa/ spos ldong gser shog ma cha/ rag shan ma cha/ rag gi rkang dung gzugs cha bcas phul/ dkar rgya nas legs so rigs gsum mgon po'i sku/ go khrab sogs dang / blo gsal blo ldan gnyis dpa' dar bcas gnang / rigs gsum mgon po'i sku phar phul/ spyi so grwa dmangs sogs nas drin gsor mar srang rgya'i khal brgyar nye ba sogs dpe med byung / tshur lam khal ma nyi shu rtsa 'dren gyi skyel ma bcas zhag dgu song / ra ba smad du mang ja rgyas par zhus/ de nas rang gnas su 'byor/ zla ba dgu pa'i nang du bsam yas rab byung pa dpon slob rnams kyis 'ong dgos tshul gnang ba ltar khas len zhus nas gza' tshes dge bar bteg /rdo rje brag tu rig 'dzin