[A:533]chen po mjal/ de nub sgrags mdar bsdad/ sang snga bar bteg /zur mkhar du dge slong kun dga' yar 'phel/ drung tsho kun dga' rgyal mtshan lags/ bka' bcu kun bzang don grub sogs gsol ja dang bcas rta bsur pheb/ dbu rtser drung 'tsho kun rgyal lags kyi shag tu sdod sa byas/ zhag gnyis kyi bar nyer bsdogs grub pas nyer drug gi gza' tshes dge ba'i snga dro dbu brtse'i bya 'dabs lho bla brang gi dkar phibs su shing mang dpon slob sangs rgyas rgyal mtshan sogs gnyug mar gnas pa drug cu rtsa 'dren gyi steng du rnam ser slob dpon dpal 'byor rgyal mtshan sogs nam mdzod sgrub sde ba gsum/ rgya ma sku skye mkhyen rab kun dga' phrin las rgya mtsho sogs rgya ma ba bzhi/ dge slong blo gsal phun tshogs sogs bye rdzing tshogs pa brgyad/ shing mang bla ma dam chos kun bzang sogs ra ba smad pa bzhi/ rin po che byams pa tshul khrims sogs rgyal gling tshogs pa bcas khyon brgya zin tsam la 'jigs bral dpal ldan chos skyong birWa pa'i srol sa skya'i rje btsun rnams kyi nying khu gsung ngag rin po che slob bshad kyi khrid shin tu smin pa thad so'i dbang byin rlabs rjes gnang lung sogs cha tshang zla ba gsum la bcar ba'i bar du rgyas par byas/ gong gsal slob bu rnams kyi steng du grwa byams pa gling pa lnga/ rdo dga' ldan rnam rgyal ba gsum/ rgyal gling tshogs pa brgyad sogs la gdugs dkar lha bcu bdun ma'i dbang rdul tshon la brten pa grangs bcad du bskur/ gzhan yang rnam sras kyi rjes gnang bco lnga/ 'jigs byed kyi dug dbang sogs so so'i bzhed pa bskangs/ be har lcog tu phrin las kyi mgon po puu tra dmar po mjal