[A:534]bar phyin/ lkog gyur gyi lung bstan yid ches pa mang po stsal/ bar bar du bsrang mdo ba/ mchod rten dkar po sogs su tshe dbang byed par phyin/ gsung ngag grol nas sgra bsgyur rgya gar du gling du skya ser gyi 'dus pa shin tu che bar dbu ma lugs kyi sems bskyed kyi sdom pa phab/ 'on kyang jo bo chen pos sems bskyed gnang ba'i gtam rgyud dang 'dra ba ni mi 'ong las che/ grol dbang du bar khang g.yu zhal steng du skya ser shin tu mang bar grub rgyal lugs kyi tshe dbang rgyas par byas shing / snga phyi thams cad du dpal ldan sa skya pa'i bstan pa la bya ba byas snyam du dga' spro che bar byung / zang zing gi rnyed pa ni shin tu che/ 'di lam 'bras 'chad thengs drug pa yin/ lha khang thams cad rgyas par mjal zhing bstan pa rgyas pa'i smon lam nan tan du btab/ de nas rab byung ba'i sgres pa mang ba'i chibs skyel dang bcas thon 'ong / khong dpon slob zur mkhar nas phyir pheb/ de nub sgrags mdar slebs nas gnas tshang lding dpon gyi der tshe dbang dang zhi ba'i sbyin sreg sogs kyis zhag gnyis 'gor/ de nas rdo rje brag tu pha rig 'dzin chen por mjal phyag zhus/ thugs dgyes pa'i bka' slob mang du stsal/ rim gyis rang gnas su 'byor/ re zhig ngal bsos/ de nas zla ba gnyis pa'i nang du yar klungs su phyin/ zhag bco lnga skor bsdad/ 'di lo chos sde ba zhabs brtan 'bul ba'i khyad nas chog mang yang 'gyang gshis yar 'ong / kha skong pusti shog grangs bdun brgya lhag pa bka' bcu kun dga' bsam grub kyis phyag bris spus gtsang ba/ glegs shing na bza' phyi nang sogs dngos gtsang ba grub/ zla ba