[A:102]gnyen dam pa yin par ma zad/ bye brag mkhas btsun bzang gsum gyi yon tan mngon du gyur pa ni dus mtshungs kyi skye bo kun gyi spyod yul du gsal ba dang / de dus kyi zham ring pa tshang mas nges shing gleng ba de bzhin lags kyang / lum pa ba dang sku nye mchod yon yin pa'i phul phyogs dang / phra ma mkhan 'ga' zhig gis dbyen bcos pa'i sku rkyen la brten nas rdo rje 'chang de nyid la mi'i dbang po nas bla ma dgon gnas dang bcas par mdzad tshul de ltar shar ba'i lkog gyur mtha' dag rmor chen rje nyid kyis mngon par shes pas dgongs pa bzhin bsti gnas nas pheb dgos dang g.yul rgyal lhun rtser sgor sgyil zhus par/ rgyal sras sprul pa'i sku rin po che ye shes grags pas nyid kyi sku srog blos btang gis mi dbang chen por snyan zhu mdzad nas 'on chos sdings su gdan 'dren par mdzad de pheb lam yar klung brgyud de pheb par chos sde'i grwa bgres kha shas kyis smon gro bkra shis sgang du mjal/ bkra shis chos sder gdan 'dren gyi zhu yig bang phyin ched rdzong gi lan du/ da lam pheb bskyod ma bde zhing myur mjal 'ong ba'i gnas tshul stsal ba na/ rje 'dis bla brang steng nas spyan chab dang bcas phyag kho na mdzad pas steng grib bsnyun ro zhig yod pa de'ang 'phar ba lta bu byung gsungs/ sa sprel dbyug zla'i nyer gsum la rmor chen rdo rje 'chang rgod tshang ri khrod du pheb nas ma 'gyangs par mjal phyag zhu bar pheb/ de'ang mdzod 'grel las/ byis pa lag mthil 'dra ba yis/ /'du byed sdug bsngal spu mi rtogs/ /'phags pa mig dang 'dra ba rnams/ /de yis rtag tu yid kyang 'byung / /zhes pa ltar/ skyes mchog spyi dang / khyad par rje 'di nyid ni phyi rkyen tsam lam ltos pa'i nges 'byung skyo shas drag po rgyun chags su bzhugs pa la bri gang