[A:103]mi mnga' yang / tshur mthong dag gi snang ngor 'khrug long zi bun sna tshogs de dang / lhag par rmor chen rdo rje 'chang lta bu lhar bcas kun gyi bsod nams kyi zhing mchog bla na med pa der/ sku nyid rang ngos nas tsandan dang stwe 'ur mtshungs pas 'o brgyal gyi rnam pa mi mnga' yang / gzhan dag bsod nams ma yin pa gsog pa la thugs yid lhag par 'byung bas/ da ni ltag pa brag la gtad pa'i nye lam 'di la brten nas rgyal ba brag phug pa dang / dbang phyug bzhad pa rdo rje'i rnam thar 'khyongs nges pa zhig mdzad snyam/ thugs rje chen po'i dmar khrid kyi ljags lung zhu bar mdzad pas/ de sngar gsan grub nas yang bskyar ci mdzad gsungs par/ dus 'gyur 'di dag la dpag 'di la chig sgril gyis 'di bzhin bgyid 'dod lags zhus pas/ de 'dra gtan nas mi legs/ de bas 'di gsan pa 'thad gsungs/ sngar ma gsan pa'i thams cad mkhyen pa dkon mchog lhun grub kyis mdzad pa'i rnam sras mchod chog gi ljags lung phyag dpe bcas stsal ba gsung chos dngos su gsan pa'i tha ma yin pas/ rjes sor bka' las/ tshul de longs spyod kyi rten 'brel khyad par can la dgongs/ de'i rten 'brel mdzad pa yin snang bas/ deng sang dngos po'i sgo nas tshogs gsog dang / bstan don cung zad bgyid rgyu 'ong ba 'di de kho na'i thugs rjer gda' gsungs/ de skabs kyang dga' skyo zung 'brel thugs dran mi gsos pa lta bu'i ngang nas skyabs mgon dam pa yab sras zhal rgyas gnang thub tsam byung / rmor chen rdo rje 'chang de nyid gzhi nas sku khams mi dwangs pa'i khar rgyal dbang thams cad mkhyen pa chen po li'u