[A:104]thang phyogs su chibs bsgyur gnang dgos tshul gsan pas rkyen byas te/ da rang dus skabs 'di 'dra la shi ba dga' gsungs nas/ sngar sku'i rnam pa grub chen birWa pa lta bu 'ber mo'i tshul du yod pa las/ sku sha rnams kyang nyin khyad zhag khyad lta bus skam tshul bzhes te zla ba bcu gcig pa'i tshes bcu gnyis kyi tho rengs lam dus rgyas pa gcig mthud/ gnyis mthud du mdzad rjes sku'i nang nas 'ur sgra dang bcas chos sdings rgod tshang ri khrod nas mkha' spyod chen por zang thal du gshegs/ phyag mdzod blo ldan nas sku gdung zhugs 'bul sogs la skyabs mgon dam pa 'di nyid gdan drangs pa bzhin rgod tshang ri khrod du pheb ste/ rdo rje 'chang de nyid kyi sku gdung rin po che zhugs la 'bul ba sogs zhabs tog rnams dpyis phyin par mdzad/ chos sdings kyi grwa bgres kha shas la rgyal yum mkha' spyod dbang mo'i byin rlabs sogs chos bka' mang tsam gnang ste chos sder phyags pheb/ rmor chen rdo rje 'chang gshegs skabs dbus gtsang bde gzar gyi mjug dang gzhi nas bla brang du phyag 'byor chung ba sogs kyis dgongs rdzogs mchod 'bul ha cang gi rgya che ba zhig ma byung yang / gtso bor snyan brgyud bstan pa'i mnga' bdag tu bzhugs pa 'di zab dgongs yongs su rdzogs pa'i mchog dang / der ma zad thugs dam rgyun 'phar gyi rigs thams cad kyang rje de nyid kyi dgongs rdzogs kho nar nges shing / yengs med brjed med bla ma spyi bor bsgom/ /zhes pa ltar dbang byin rlabs rjes gnang rnams kyi so so'i ye shes dbab sngags rdzogs nas/ rab 'byams mdo sngags kun la mkhyen rab rgyas/ /zhes sogs