[A:107]chen po byung zhes gsung bar grags/ grwa tshang nas kyang legs so'i tshul du tshe dpag lha dgu la brten pa'i zhabs brtan dang maNDal 'bul ba'ang rgya che ba dang / sde pa kun chos nas kyang khrom dbang gi sbyin bdag bgyis te bsnyen bkur zhing kar dril rtse lnga/ dbang rdzas nyer mkho/ na bza' sogs 'bul nod kyang gzabs rgyas bstar/ 'bras spungs su rgyal sras rin po cher gser chos dmar po skor gsum sogs dbang bka' rjes gnang du ma 'bul bar mdzad de/ dga' ldan khang gsar du sa skyong mi dbang mjal phyag la pheb/ de skabs mi dbang chen po nas mdo khams su pheb dgos kyi bka' nan tan stsal te/ pheb lam du rdzong sgo so so nas gsol phog dang / rta 'ul/ dos khal sogs kyi lam yig bka' shog sogs mdzad de/ de bar dgon gnas chos gzhis rnams la gang phan byed ces pa'i zhal bzang kyang stsal te mdo khams su pheb pa'i sgo dod/ rim bzhin bsam yas su pheb ste grwa tshang gi 'dod pa ltar mdo sde mchod par bzhugs shing / gnas srung chos skyong chen po khog tu rlom par mchod gsol phrin bcol sogs mdzad cing / chos skyong nas kyang 'byung 'gyur gyi lung bstan yid ches pa mang du gsungs te skad cig kyang mi 'bral bar phrin las bsgrub par zhal gyis bzhes shing / lha rdzas dang sku srung lta bur ba dan legs pa'ang stsal/ gong du bshad pa ltar 'dar grang gdan sa zhal gyis bzhes kyang bde gzar stabs gtsang du pheb ma thub gshis rim 'gyang du lus pas/ khams nas yar ma phebs bar bla gzhis tshang ma grwa tshang spyi nas blangs pa'i 'ong 'babs rnams