[A:106]dang / mchog gi mdzad pa bye brag tu bshad pa gnyis las/ dang po ni/ grub dbang sangs rgyas rgya mtshos/ ma 'gro kun sdug bsngal rgya mtsho las/ /phan bde dga'i grong du 'khrid mdzad pa'i/ /skyabs legs pa'i 'byung gnas 'gro ba'i mgon/ /rje gnas gsar chos rje zhes gsungs pa ltar/ de'ang / zhi ba zhes pa sa bya lor slar yang mdo khams nas sde dge sa skyong bstan pa tshe ring gis/ 'di khar sgrub mchod rgyas pa zhig 'dzugs rtsis la sa lugs kyi bla ma dus kyi 'khor lo'i dbang lung / cho ga phyag len/ gar thig dbyangs gsum gyi rgyun khungs gtsang yod nges shig cis kyang dgos tshul rgyal yab sku zhabs su zhu bar mdzad pa bzhin/ des kyang sa skyong mi dbang chen por snyan zhu mdzad pa dang phyogs mtshungs su/ grub dbang dam pa sangs rgyas rgya mtsho'ang ched gtad kyis dbus su pheb ste nan tan zhu bar mdzad pas ha lam zhal gyis bzhes shing pheb lam lam rgyus pa khams pa phyug rgyal zer ba zhig kyang 'jog par mdzad/ de lo bsam yas su chos skyong chen pos rab byung grwa tshang gi grwa pa lo nyi shu lon pa yan chad bsnyen rdzogs sgrub dgos tshul gyi bka' lung stsal bar/ gra tshang nas dbu tshugs nan tan mdzad de rab byung gi grwa pa shin tu mang bar bsnyen rdzogs mdzad skabs/ khams pa phyug rgyal sku mdun na yod skabs shig la grong chen bang phyin lung ru steng pa'i grwa pas gtsang du 'phral pheb dgos tshul zhus pa dang / khams pas khams la gdan 'dren tshul smras pas de gnyis sku mdun du rtsod pa na/ grong chen bang phyin la thugs dgyes te khyod gdan sar zhen