[A:110]kyang bsu ba bsnyen bkur sogs gong mtshungs bcas rim bzhin pho brang chen po lhun grub steng du phyags pheb/ mar lam gyi pheb lam lung pa gser gshong dang chu sogs yod pa zhig tu gsol tshigs thon nas sku gseng la pheb ste dus 'khor gyi gar gyi stangs ka 'ga' zhig mdzad par/ de 'phral lung pa'i phu nas 'ongs pa lta bu'i ban gzugs hur spyod can zhig byung bar khyed su yin gsungs pas/ nga mkhas grub khyung po rnal 'byor yin/ grub mtha' thams cad kyi gral mgor nga sdod pa yin/ khyed kyis da ci nas mdzad pa'i gar de yang bskyar gnang zhu dang zer/ de bzhin mdzad pas khyed rang 'dir bzhugs shig /ngas nag guu ma zhig blang 'ong gi zer/ ci khyer 'ong ngam dgongs pa na/ chang phing chung gang khur byung ba la ye nas ma gsol bas dbu tshugs kyis phyag mthil du thigs pa gcig gnyis blugs pa sogs lo rgyus ya mtshan can zhig nged rang la gsung byung bas/ de'i don rnal 'byor ni/ thabs dang shes rab gnyis med pa'i/ /rnal 'byor de bzhin gshegs pas gsungs/ /zhes pa ltar gnyis med kyi don dang / grub mtha' thams cad kyi gral mgor nga sdod pa yin zhes pas kyang rgyud thams cad kyi rgyal po gnyis med dus kyi 'khor lo bstan pas/ mdo smad phyogs su de'i bstan pa nyin mo ltar mdzad bzhed la/ khro bo'i dbang po rdo rje shugs sam/ khyung po rnal 'byor gyis nag gu ma ste ni gubta sbas tshul gyis ni gu ma/ shes rab ma da na yi chang / /zhes pa ltar shes rab bdud rtsi'i rnam par bsgyur te zung 'jug gi rten 'brel bla na med pa bsgrigs par sems shing / 'di ni sngon