[A:111]rje yongs 'dzin gyis e waM gyi 'du khang du rgyud 'bum gyi lung gnang skabs rdo rje bdud rtsi'i rgyud kyi mgor grub thob sgog smyon pa chang dam chung gang dang khyi gu zhig khyer nas dpon slob kun gyi phyag tu chang thigs re phul nas rgyud de'i lung rdzogs par nyan rjes gar song cha med zhig byung ba dang tshul mtshungs pas bsam gyis mi khyab pa'i rnam thar ro/ /de nas thog mar 'di kha'i 'bul sdud bla ma'i khang par bzhugs/ de skabs sa skyong chos rgyal chen po de nyid dbyar 'dong la pheb par/ skyabs mgon dam pa 'di nyid pheb pa'i gnas tshul gsan 'phral pho brang du chibs kha bsgyur te/ gza' tshes dus sbyor bzang por phan tshun gtong ba'i sgo brgya rnam par phye ba'i zang zing gi tshogs dang gsung gsang gi nor bu re re las kyang legs par bshad pa'i 'dod rgu 'bum du 'dzag pa'i sngon rabs dam pa'i rjes su 'brang ba'i legs bshad kyi skyes bzang po phun sum tshogs pa dang bcas te pho brang chen po dngul mda' steng du mchod yon mjal 'phrad thog mar mdzad pas sngar 'dris kyi mdza' bo 'phrad pa bzhin du dgyes pa rab kyi rtser son pas gnas skabs dang mthar thug gi rten 'brel mtha' dag rang 'grigs pas/ rgya chen thugs bskyed kyi mthu las nye bar grub pa'i 'bras bu gzugs can bzhin du gyur to/ /rje'i bka' las/ chos rgyal 'di rje btsun g.yu thog pa'i sprul pa yin zer ba 'dra mo'ang yod de/ zla ba bzhi pa'i nang mnga' zhabs kyi 'tsho byed mkhas pa rnams bsdus pa'i mgor sa skyong rang yang byon nas sman sbyor phon shin tu che ba mdzad de/ sman sbyin gnang bsam gsungs/ mkhan chen bsod nams bzang po'i bka' las/