[A:117]sras bran bzhin du bkol bar nus pa de nyid kyi gdams pa rnams rtsa ba'i bla ma rmor chen rdo rje 'chang chen po des yongs su rdzogs par gsan cing don rnams kyang thugs su chud/ dam pa de'i zhabs drung nas kho bos kyang dbang lung man ngag rnams ma tshang ba med par thob cing / phyag len rnams kyang khong du chud par bgyis pa dang / gtso bor bstan pa'i sbyin bdag chen po nyid kyang sngon las bzang pos rjes su 'brel ba'i mthu las yid ches mos gus kyang mchog tu gyur pa sogs rgyu rkyen tshang bas byin rlabs kyi nus mthu mi 'byung ba ga la yin/ 'on kyang da lam gyi 'di kho bo cag gi mthu las byung ba rang ji ltar lags rung / gzhi nas rten 'brel gyi la nye ni bzang po yin pa 'dug ces zhu bar mdzad pas/ sde dge chos rgyal de nyid thugs shin tu dgyes par gyur to/ /gzhan yang pho brang bkra shis ltems su sa skyong mchod yon lhan rgyas la rnam thos sras lnga phrag gsum gyi rjes gnang lung bcas dang / dmar po skor gsum gyi skor yongs rdzogs kyis mtshon pa'i zab chos bsam gyis mi khyab pa zhig 'bul bar mdzad/ lo 'di nang du sku gegs 'tshubs lhong lta bus rje nyid kyi yab rgyal po o sgron lags zhe dgu'i dgung keg thog dbus su zhi bar gshegs 'dug cing / de skabs rtsis mgon rgyun gtor gnang bzhin par thugs dgongs su chos skor ji bzhin thob pa'i nges sbyar med pa'i gtor bsngo 'di'ang dgos pa chung dgongs/ mchod dpon par/ do nub nas bzung rtsis mgon gyi 'bul gtor sogs bzo mi dgos pheb pa slar dus gnas brtsis bas/ yab rje gshegs