[A:118]pa'i zla tshes kho nar 'dug ces gsung las thos pa yal yol tsam las ye shes kyi gzigs par chags thogs med pa'i brdar mngon/ chos kyi rgyal po bstan pa tshe ring de ni deng sang gi dpon skya 'ga' zhig ltar bla ma dang zab chos khyad du bsad pa'i snyan brgyud zab mo'i chos la 'phrog thabs kyi rnam pa ye mi mdzad par yun ring po nas gsol ba 'debs pa dang / bla mas zhal gyis bzhes nas kyang dgongs pa dang sbyar ba'i tshul du zhu ba dang / phyag rten gyi dngos po tshun kyang mchog gi dngos grub sgrub byed dang / gser chos kyi rigs la dngos po gser gyi mtshon pa'i rin thang can dang / thun mong gi rigs la las bzhi'i dgongs pa dang mthun pa'i kha dog dang dbyibs can gyi dngos po 'bul bar mdzad pa sogs rten 'brel gyi gnad mkhyen cing rnam dbye phyed pas ston pa dang bstan pa la thugs gting nas dad pas gnas skabs dang mthar thug gi rten 'brel la ras chod mi mdzad pa'i chos kyi rgyal po mtshan dang don du mthun pa zhig yod ces gsungs so/ /sde dge chos kyi rgyal po de'ang lugs gnyis gang la'ang thugs mkhyen dpyod mchog tu yangs par ma zad/ 'khrul bral bstan pa'i mnga' bdag rje btsun sa skya pa yab sras brgyud pa dang bcas pa la ston dang bstan pa gzhan nas mi 'tshol ba'i yid ches dang / lhag par skyabs mgon rdo rje 'chang chen po 'di nyid gsang chen kha'u brag rdzong pa'i zab chos spyi dang / khyad par chos skyong che chung gi skor sogs dbang lung man ngag dang bcas pa rang gzhan gyi grub mtha' spyi dang / bye brag bla chen dregs ldan dag gis spyod yul du ma gyur pa'i zab mo snyan brgyud kyi skor la gzhan