[A:11]rtsa ba/ chos srung nor lha thams cad kyi mnga' bdag /mkhyen brtse nus pa'i gter chen/ chos kyi rje/ chos kyi rgyal po/ /chos kyi dbang phyug /chos dam pa'i 'byor pa zad mi shes pa thams cad kyis phun sum tshogs shing 'khor ba dang mya ngan las 'das pa'i dpal dam par gyur pa/ sku phreng thams cad du mkhas shing grub pa'i ngang tshul bzhes pa sha stag tu byon pas skyes pa rabs kyis che zhing / gangs can chos kyi rgyal po'i dbon rigs su 'khrungs pas che btsun gdung gis mthol/ gzhon nu nyid nas 'khor ba'i phun tshogs mtha' dag bzhi mdo'i rtswa bzhin bor nas 'o skol gyi rnam 'dren nyi ma'i gnyen gyi rjes su pheb ste nges par 'byung ba tshul khrims kyi sdom pa bla na med pas thugs rgyud kyi bum bzang yongs su gtams shing / nyis brgya lnga bcu char gtogs dang bcas pa'i nyes ltung gi 'dam las yongs su grol ba'i sdom brtson sbrang rtsi'i rgyal mtshan 'dzin pa kun gyi gtso bo/ /bla na med pa'i thugs bskyed bzang po'i cha shas yongs su rdzogs shing / gzhan phan thugs bskyed kyi 'od dkar phyogs brgyar 'phro bas mkha' mnyam 'gro ba'i bde skyid kyi kunda ci'ang rgyas par mdzad pas byang sems rgyal ba'i myu gu kun gyi gtsug rgyan/ brgyud ldan dam pa'i man ngag gi nyi 'od lan brgyar gsal bas snyan brgyud zab mo'i dri bsung mngar pos skal bzang raHyig gnyis pa'i tshogs rnams nyams rtogs kyi sbrang rtsis myos te 'khor ba mtha' can du mdzad pas grub pa'i dbang phyug kun gyi bla na zhabs sor bkra shis kyi 'khor lo ngal bso ba'i khyab bdag rdo rje 'dzin pa chen po/ /phyi nang gzhan