[A:10]zhes sogs mang du gsungs pa ltar/ zhing khams la lar dkyil 'khor gyi 'khor lo'i snang brnyan dang / la lar mdzad pa bcu gnyis kyi tshul ston pa'i sangs rgyas dang / gzhan yang byang chub sems dpa' dang / nyan thos dang / rang sangs rgyas dang / mkhas pa'i skye bo dang / grub pa'i gang zag dang / rig pa 'dzin pa'i sa la gnas pa dang / a ba dhU tI pa dang / bhu su ku pa dang / ku sA li pa dang / 'khor los sgyur ba la sogs pa'i rgyal po dang / blon po dang / bram ze dang / dge sbyong dang / khyim bdag dang / yid bzhin gyi nor bu dang / gru gzings dang / zam pa dang / sman dang / zas dang / gos dang / ri bo dang / bya dang ri dwags la sogs pa/ mdor na snod bcud kyi rnam pa thams cad pa 'dod rgur sgyur ba'i gzugs kyi rnam rol du mas 'gro ba rnams la rang rang gi skal ba dang 'tshams pa'i spyod pa dang / gtam la sogs pas mtshams sbyar te/ mthar gdon mi za bar zung 'jug rdo rje 'dzin pa chen po'i sar dkri bar mdzad pa kho na las mi 'da' ba nyid yin pa ni/ bdag nyid chen pos/ sangs rgyas rdzun pas brid nas ni/ /bden pa nyid la sbyor bar mdzad/ /des na bdag cag sangs rgyas la/ /gus pa'i rgyu mtshan de ltar yin/ /zhes pas so/ /de ltar mchog gi rdo rje slob dpon dag gi yon tan brjod tsam nyid las gzhal bar dka' ba'i bsod nams kyi tshogs 'thob par 'gyur ba de'i phyir na 'dren mchog bla ma kun gyi ngo bo/ /grub stsol yi dam kun gyi 'dus sku/ skyabs gnas dkon mchog gsum gyi