[A:121]gsum dmar chen gtor mas phur bur gtams/ /zhes gsungs pa ltar/ chos skyong ba'i srung ma'i dbang po rnams 'go zhing chags par byed pa'i thabs mchog sku gsung thugs dang / phyi nang gsang gsum sogs kyi rten rnams tshang ba zhig dgos pa rten 'brel gyi che ba yin zhing / sa skyong chos kyi rgyal po dpon blon rnams kyang byas so ba'i mi chos tsam gyis rjes su 'brang ba'i rgyu med kyi 'bras bu 'dod pa rnams dang mi 'dra bar/ dbang rnon chos rjes 'brang ba'i yid ches dang / gtong phod kyi snying stobs dang brtson pa phul du byung bas ji ltar dgos pa'i yo byad rnams kyang phongs pa med par stsal zhing / rje bla ma rnam gnyis dang / bla mchan dge slong kun dga' dpal 'byor/ mchod dpon dge slong kun dga' grags pa gnyis kyi zhabs 'degs bgyis te/ gsang ba'i rnga chung tsam ma gtogs rten yongs su rdzogs pa rgyu tshad tshang zhing phun sum tshogs pa rnams la sgrub pa'ang nan tan mdzad/ rnam gsum gtor ma'i tshogs kyang gong ma'i yi ge dang man ngag las byung ba bzhin gtor sgrub dang bcas rgyas par mdzad/ de dag la sngags 'chang mgul rgyan dang / rten gyi zhal bzhes thun mong ma yin pa sogs la brgyud pa'i man ngag gis brgyan pa'i rab tu gnas pa thun mong ma yin pa'i phyag bzhes 'khrul med du mdzad pa sogs/ sa skyong chos kyi rgyal po de nyid bstan pa rin po che spyi sgos kyi yon bdag gzhan dang mi 'dra zhing / khyad par rje nyid la'ang mi phyed pa'i dad gdung mnga' ba sogs rgyu du mas/ thugs ngal khyad du bsad de phyis kyi spyan ltos la phan nges shes pa mdzad pa yin no/ /'di lo yon