[A:122]bdag chen po dpon blon gyi dgongs bzhed ltar bum gter mang du bsgrubs par mdzad de/ rdzong sgo khag la 'gyed par mdzad pas lo tog phun sum tshogs par byung bas/ dpon 'bangs kun dga' mgu yi rang gi sa la 'god par mdzad/ de dag gi snga phyir chos rje bkra shis bzang po'i drung nas/ kye rdor bka' babs bzhi'i dbang / bde mchog nag po pa/ mkha' 'gro rgya mtsho'i dbang lung dang / kun rig gi dbang zhig kyang gsan pa/ bka' las/ de skabs gnas nyer gnyis so so'i ming re smos pa dang sngags rgya res gtugs pa spel mar mdzad pa sogs shin tu yid ches pa byung gsung zhing / rje de nyid ni mkhan thog tu pheb min gyi khyad par las ngor gyi mkhan chen zhig dang mnyam zhes thugs dad shin tu che bar gnang / mkhan chen bkra shis lhun grub las sbyong rgyud dkyil 'khor bcu gnyis/ tshe dpag med lha dgu/ bdag med lha mo bco lnga/ 'jigs byed ro langs brgyad skor bcas kyi dbang rnams gsan/ pho brang lhun grub steng duu sa skyong dpon blon dang bla ma khag rnams gtso bor gyur pa'i skal ldan gyi gdul bya ches mang ba la/ grub pa'i dbang phyug chen po a bhA ya ka ra'i bzhed gzhung rdo rje phreng ba dkyil 'khor zhe gnyis/ darpan a tsArYa'i bzhed srol kr-i ya'i dge legs su byed pa'i dkyil 'khor gsum ste zhe lnga'i dbang rnams kyang rmor chen chos kyi rgyal po de nyid kyis rdo rje 'chang mkhyen rab byams pa ngag dbang lhun grub kyi drung nas phreng ba'i dbang tshar bcu gsan pa'i phyag bzhes ltar rgyas par 'bul bar mdzad do/ /de dag gi don bsdu na/ sa bstan bdag po sa dbang sde dges mchod/ /dus 'khor la sogs