[A:126]pas byin gyis brlabs shing / mkhas pa'i dbang po g.yag ston sangs rgyas dpal ba la sogs pa mkhas grub dam pa du ma'i bsti gnas su mdzad pa'i chos grwa chen po 'dar smad gnas nang las mched pa 'dar stod chos 'khor yang rtser/ ma byon rnam 'dren gsum pa rgyal ba rab gsal de nyid gangs can gyi ljongs 'dir bsam bzhin du skye ba'i cho 'phrul ston par mdzad pa/ nges don bstan pa'i mnga' bdag rdo rje 'chang blo gsal rgya mtsho grags pa rgyal mtshan dpal bzang po'i bzhugs gdan seng khri la zhabs zung gser gyi 'khor lo bkod de/ legs byas kyi sngon 'gror dge tshogs rnam mkhyen du bsngo ba'i tshul gyis gsung bshad rgyas shing mtha' chod par stsal/ gzhung sa mchog dang 'di kha nas kyang bsko 'ja'/ khri 'gyed sogs dang / gzhan yang 'dus sde spyi sgos rnams dang / bstan pa'i sbyin bdag chen po 'dar nas sogs ser skya mchog dman rnams nas rang rang gi 'byor tshogs ji snyed yod pa rnams legs skyes su bstar zhing / bla brang nas mang ja'i thog grwa pa lnga rer ja bag re/ dgon lag sgrub sde gnyis la'ang mang ja'i thog btsun ma bcu rer ja bag re/ grong chen 'du khang du bla re che legs/ rgya sbub bkra shis 'brug sgra rnams stsal zhing / thog mar tshar chen rin po che'i rdo khri'i steng nas mdo sde bskal bzang gi ljags lung dang / tshe sbyin yid bzhin 'khor lo/ mgon dkar phyag drug pa/ rnam sras rta bdag brgyad/ dur khrod bdag po rnams kyi rjes gnang stsal/ sang nyin bzhugs khrir pheb rgyu'i nub mnal ltas su dung gi seng ge shin tu dkar ba zhig gi kha nas skyugs pa 'dra ba'i