[A:127]de'i tho phyi kun tu khrag mang po 'thor pas chag chag btab pa ltar 'dug ces gsungs pa ni gsung rab dgongs 'grel snyan brgyud dang bcas pa smra ba'i seng ge chen po 'di nyid kyis gnas 'dir zab chos thang mar brdal ba'i mtshan ltas yang dag par gor ma chag snyam zhing / bla chen 'brog mi'i mnal lam bka' rgya ma dang phyogs mtshungs tsam du'ang go nus so/ /zla ba de'i mjug tu grong chen dus rim pa dpon slob dang chab cig 'di khar chibs kha bsgyur te yab rje mtshungs med dam pa ngag dbang kun dga' bsod nams rin chen bkra shis grags pa rgyal mtshan dpal bzang po'i zhal dkyil la longs su spyod pa'i legs skyes su gser srang gsum dang / rta drel sogs kyi dngos po spom stod pa dang / khyad du 'phags pa'i rten mchog rnam bzhi/ skyed lhas/ byas 'gyur sogs la mchod 'bul smon lam dang / chos dung rin po che gsung bskul sogs mdzad/ tshe dbang 'chi med dpal ster/ 'byung po 'dul byed dang / mkha' 'gro lha brgyad kyi rjes gnang / 'jam mgon bla ma'i zab mo sku'i dkyil 'khor du lam dus kyi dbang gi chu bo ma nub pa'i rgyun yang dag par bzhes/ kom 'dre brgyud de mang mkhar thub bstan dge 'phel gyi gnas rten rnams la mchod 'bul dang / 'dus pa'i tshogs la mang 'gyed sogs phun sum tshogs par mdzad/ mar lam rmu mgon khang du mchod gsol phrin bcol mdzad cing / chos skyong gi sku mdun du gsol dpon lhun grub rab brtan sna khrag mang du gzegs te yun ring phro 'tshal ba dam tshig gi nyes par sems/ 'dar bsam 'grub tu gdan 'dren dang