[A:12]gsum gyi rnam bzhag la gzhan dring mi 'jog pa'i rnam 'byed blo gros kyi lus stobs rgyas shing / lung dang rigs pa'i mche sder rnon pos lta ngan gyi ri dwags mtha' dag skrag par mdzad la/ zab gsang rdo rje gsum gyi rnal 'byor las 'khrungs pa'i nyams rtogs kyi ral pas mngon par brjid cing / dbang rgyud man ngag gi gad rgyang phyogs brgyar sgrogs pa'i dus zhabs pa smra ba'i seng ge chen po/ /rgyal ba'i bka' 'gyur ro cog gi bklag lung rnam par dag pa'i nor bu rin po che rnam dpyod brtson pa'i gru chen gyis legs par drangs te thar 'dod rgyal mtshan gyi rtse mor bkod pa'i grub gnyis 'dod rgu'i dpal yon stsol bar mdzad pas bstan pa'i gsal byed khyab bdag bka' 'gyur ba chen po/ /phyi gso dpyad kyi gzhung lugs la mkhas pas mi 'jigs pa srog gi sbyin pa gtan pa med par stsol zhing / nang rig pa ye shes lnga'i rtsi sman gyi sbyor bas dug lnga phung po dang bcas pa cig car du gso bar mdzad pas sman bla rigs lnga'i ngo bor ston par mdzad pa'i gdams ngag gi nges pas skal ldan gdul bya'i tshogs rnams skyong ba'i 'tsho mdzad sman pa'i bla ma/ sgra dang / snyan ngag dang / mngon brjod dang / sdeb sbyor dang / rtsis dkar nag dang / bzo'i rig byed la sogs pa shes bya rig pa'i gnas mtha' dag gi tshig don 'khrul pa med par thugs su chud pas rtsod dus gnas lnga mkhyen pa'i paNDi ta chen po/ /nges pa'i don du rab 'byams rgyal ba zhi khro'i dkyil 'khor ma lus pa spro zhing bsdu ba'i byed po khyab bdag rdo rje 'chang dbang nyid ngur smrig gi brtul zhugs 'dzin pa/ mtshan brjod