[A:139]pa don ldan du song zhes thugs shin tu tshim par gyur to/ /ston mjug nas bzung 'jigs byed dbang brgya'i 'phros dang / tshe dpag dbang brgya sogs 'bul ba gnang / rta lo zla ba gnyis pa'i nang du chos rgyal bstan pa tshe ring sku khams cung zad ltem par/ dmar chen gtor zlog sogs sku rim rgyun mi 'chad dang / sngon nas bzhengs gnang gi bde gshegs mchod rten brgyad dang sku tshad mnyam zhing sku rgyu zhe mtshungs kyi rnam rgyal mchod rten gcig gsar bzhengs dang / 'di rnams la rab gnas skabs su chos rgyal de nyid myur du zhi bar gshegs pa'i mi dge ba'i ltas su mi ngas sna tshogs shig byung 'dug kyang / gnas lugs bshad na skur ba'i rgyur mchis so/ /der dkon mchog spyi 'dus kyi dbang sogs 'bul ba gnang / lo de'i zla ba drug pa'i tshes gsum la sa skyong de nyid sku zhi bar gshegs pa'i thugs dam gsal 'debs/ sbyin sreg /zhe dgu 'dzin pa/ rus chog /sAtstsha zhes bod skad dam pa'i gzugs te sA tsha dang tsha tsha sogs sgra nyams pa yin zhes mkhas pa rnams gsung / gang ltar tshwa chog /gdung khang / dngul gdung gi zhal bkod/ gzungs dang rab gnas rnams mdzad cing / chos rgyal de nyid kyi dgongs bzhed ltar lcags ra bsam 'grub rtse dang / rmad shod rdzong gsar dgon gnyis su so sor 'dus pa nyis brgya brgal ba la rdo rje 'jigs byed rwa lugs thun mong ma yin pa'i dbang dang lung / phyag len gyi bslab sbyong sogs yang dag dang / dgon so sor grwa pa bdun cu skor res rwa chen gyi mngon rtogs/ tshar chen