[A:140]yab sras gnyis kyis mdzad pa'i brgyud 'debs/ dkyil chog /lhan thabs dang bcas pa blo 'dzin gnang ba'i sgrub mchod tshar lugs kyi phyag len ji lta ba bzhin 'dzugs pa dang / de bar bum 'dzin du pheb/ sgrub mchod 'dzugs nye'i skabs dgon chen nas rmad shod kyi bar la glang gi skad 'dra ba yang yang sgrogs pa kun gyis thos pa byung zhes rmad shod bla ma yon tan rgya mtsho nas gleng / bsam yas chos skyong gi lung du/ mtha' bzhi'i yul du lug rta gang rigs su/ /nges par bsdu ba'i rten 'brel che na yang / /zhes sogs gsungs pa'i lung gsal gyi zhabs brtan sku rim rnams bsgrubs zin kyang / sku nyen dogs che bar sbrul lo dang rta lo gnyis su'ang / tshe chog stong tshar drug tsam dang / sgrol sher/ bsam pa lhun grub ma sogs khri phrag mang po/ chos srung la bskang ba sogs sku rim mang du mdzad/ lug lor lhun grub steng du mnga' zhabs la 'grims rgyu'i bum gter mang po sgrub gnang la tshur mthong gi snang ngor sku 'khrugs lta bu'i sku ltem babs shin tu lci bar/ zhabs brtan sku rim du sde dge'i mnga' zhabs kyi dgon pa yongs su rdzogs par so so'i lugs mthun gyi zhal 'don/ sgrol ma/ sher snying / bsam pa lhun grub ma sogs khri tshar mang po/ tshe chog stong rtsa gsum/ rnam rgyal stong rtsa/ ma Ni dang siddhi dung phyur/ bka' 'gyur rin po che tshar gcig /brgyad stong pa brgya phrag tu nye ba/ gzhan yang chos srung gi bskang ba sogs la khyon ja rkyang du bsgrigs na ja bag sum brgyar nye ba song zhing / zhabs brtan thog tu bka' 'gyur rin po che tshar