[A:145]nas mi 'ong zhes zhal gyis ma bzhes/ de snga nas 'phyong rgyas 'du khang pa'i bca' yig gi thang ka dbus su 'phags mchog chos kyi rgyal po'i sku brnyan bris pa de'ang 'phyong rgyas nas 'char ba phyag tu 'byor ba dang / grwa tshang gi zhu yig phyag tu phul ba dang dus mtshungs su dpyid 'brug gi thog ma bsgrags pas dgon zhol gyi mi rnams kyis lha rgyal 'then pa sogs rten 'brel gyi mtshan ltas kyang legs shing / yang bskyar snyan zhu nan tan phul ba bcas zhal gyis 'ches pa ni/ sems dpa' chen po gzhon nu rgyal mchog dang / 'phags chen dpal ldan grags pa sogs nas bzung yongs rdzogs bstan pa'i nyi ma mkhan rin po che dbang phyug dpal bzang dang / mkhas grub dbang po ngag dbang chos bzang la sogs pa'i bar du byon pa'i 'phags brgyud pad dkar phreng ba lta bu las brgyud de 'ongs pa'i phyi 'dul ba'i khrims kyis mngon par mdzes shing gzhi gsum gyi rnam gzhag rnams kyang chad med du mdzad pas jo bo stan gcig pa'i brtul zhugs 'dzin pa/ dpal dus kyi 'khor lo dang thugs rje chen po nam mkha'i rgyal po la yi dam gyi gtso bor 'dzin pas nang gsang sngags kyi rnal 'byor pa/ 'dod chung chog shes kyis dman cha lhur blangs te 'phags pa'i sde zhes mtshan don mthun pa'i ring lugs dbyar gyi chu gter dang mtshungs pa de dus dbang gis sos kyi chab rom ltar 'gyur bar nye ba thugs kyis ma bzod par rgyal ba'i sras po dkon mchog 'bangs yab sras kyi chos kyi dbyings nas bskul bar gdon mi za snyam mo/ /bsam yas rab byung dge slong dge legs bzang po dang / dge