[A:14]gtsang mar mkhas grub mang po'i sku'i snang brnyan ji ltar shar ba'i tshul dang / dus 'dir gangs ri'i ljongs su gdul byar gyur pa'i gang zag rnams la ji ltar snang ba dag las brtsams te cung zad tsam gleng bar bya ba'ang don chen po dang ldan par shes par bya'o/ /gnyis pa rgyu mtshan can gyi dam pa'i rtogs brjod dngos la 'jug pa la don gsum ste/ sku phreng snga ma'i khungs dang sbyar te rigs khyad par can du ji ltar 'khrungs pa'i tshul/ sku'i snang ba 'di nyid kyi sgo nas bstan pa rin po che 'dzin skyong spel gsum ji ltar mdzad pa'i tshul/ mthar gzugs sku chos dbyings su bsdu ba'i tshul bstan cing / dgongs rdzogs kyi rim pa dang phrin las kyi rgyun ji ltar spel ba'i tshul lo/ /dang po ni/ chos bcu pa'i mdo las/ du ba las ni mer shes dang / /chu skyar las ni chur dpog ltar/ /byang chub sems dpa' blo ldan gyi/ /rigs ni mtshan ma dag las shes/ /zhes dang / 'jam mgon sa skya paNDi tas/ /du bas me bzhin rnam thar las/ /nang gi yon tan legs brtags te/ /zhes gsungs pa ltar/ mkhyen brtse nus gsum mdzad pa phrin las 'di lta bu la/ dpag na rtsa gsum rgyal ba rgya mtsho'i zhal gzigs lung bstan mdzad pas thugs dam gyi nyams rtogs gong du 'phel bas rtogs pa'i myu gu 'khrungs tshul sogs bsam gyis mi khyab pa zhig byung ba gor ma chag mod/ skyabs mgon dam pa 'di nyid ni jo bo bka' gdams pa yab sras kyi rnam par thar pa kho nar lhur bzhes te yongs su sba bar mdzad pas 'bri ba'i rngo ma thogs shing / 'on kyang