[A:20]gyi shugs can du grags pa/ birWa pa'i slob brgyud a ba dhU tI pa sogs kyis rjes su bzung zhing mkhas grub kyi sa la bzhugs pas 'brog mi lo tsA ba'i bla ma mdzad de/ ljongs 'dir gsung ngag rin po che thog mar spel ba de dang / lnga pa mkhas grub khyung po ni/ snye mo ra mangs su rigs khyung po las sku 'khrungs te/ bon dang gsang sngags gsar rnying sogs gzhung lugs mang po la sbyangs pa mthar phyin/ bla ma brgya dang lnga bcu bsten/ khyad par ye shes mkha' 'gro ni gu dang / su kha siddhi las yang dag pa'i gdams ngag khyad par can bzhes te mkhas grub kyi mdzad pa mthar phyin pa de dang / drug pa paN chen bsod snyoms pa ni/ kha che khri brtan du sku 'khrungs pa'i mtshan shAkya shrI bha dra ste/ ma byon sangs rgyas gsum pa rab gsal gyi rnam sprul du grags shing / rje btsun sgrol mas rjes su bzung zhing 'dul ba'i bstan pa la shin tu bka' drin che ba sa skya paNDi ta'i dbu bla de nyid dang / bdun pa sangs rgyas ston pa ni/ dbus kyi sa chab bsil ma zhes bya bar bon gyi rigs las 'khrungs shing / sangs rgyas kyi bstan par rab tu byung ba'i mtshan brtson 'grus seng ge zhes theg pa che chung gi zab chos du ma dang / khyad par shangs chos kyi bdag por brgyud pa rin chen sna bdun gyi tha ma de nyid dang / brgyad pa kun mkhyen chos sku 'od zer ni/ myang stod gser sdings su 'khrungs shing mdo rgyud bstan bcos la mkhas par gyur pas kun mkhyen du grags shing / mtshan dngos chos kyi 'od zer la/ thugs rab shin tu che bas 'phags pa rin po ches chos sku 'od zer du gsol ba/ hor dmag byung