[A:214] rnam rab dwags po grwa tshang gi bla ma las thog pa/ nyan po chos rje sku mched/ sde pa ngag dbang bstan 'dzin phun tshogs sogs dang / gzhan yang phyogs 'dus dang gnyug mar gnas pa nyis brgya brgal ba la gsung ngag rin po che snga chos phyi chos yongs su rdzogs pa rgyas par stsal/ yang tshar bdun pa dus 'dir gsung ngag rin po che'i chos 'khor bskor ba'i tha ma'o/ /der chos zhu ba byings la cham yams lta bu zhig byung bas rim gyis mched de skyabs mgon dam pa 'di nyid la'ang mgul cham bzhes par chos thun rnams sngar mus bzhin chag med dang / cung zad bsdus pa tsam yang ma gnang ba'i sku 'khrugs dang / gzhi nas nyams grib lta bu'i rkyen gyis sku shin tu ltem pa byung bar stag rtse em chi bsod nams dngos grub 'bod par gnang ba'i 'phrod gzhes dang / zhabs brtan sku rim yang rgya cher gnang ba bcas sku khams dwangs skyed yod tsam byung ba 'phen yul na lendra nas chibs bsgyur bas/ de nub rang nas cung zad dwangs bskyed yod pa lta bu dang / de nas bzung rim dwangs su gyur/ lha ldan du 'phrod gzhes dang bcas zhag shas bzhugs thog /snye thang brgyud de yar klung du pheb pa'i lo mjug dang / phag lo'i nang phal cher gcad rgya kho nar bzhugs mur/ ngor bla ma tshe mtshams bsam gtan phun tshogs dang / 'dar grong mkhan chen ngag dbang shes rab la nA ro mkha' spyod dang / rtsa dbuu ma che ba'i khrid dang / thams cad mkhyen pa dkon mchog lhun grub kyi bka' 'bum sogs stsal zhing / zhi ba lha sprul pa'i skur yang grub rgyal lugs kyi tshe khrid sogs stsal/ gzhan