[A:215]rim gnyis zab mo'i thugs dam kho nas dus 'da' bar mdzad/ 'di lo bkra shis chos sde'i gtsang khang gi sku rten rnams la zhig gsos/ zhal gser sogs phun sum tshogs par mdzad cing / rten gtso thub pa'i dbang por snam sbyar dang sku pang / nye ba'i sras brgyad la stod g.yogs/ smad g.yogs/ khro bo gnyis la stod g.yogs/ smad g.yogs/ stag sham/ rten gtso'i dbu thog tu bla bre/ mkhan chen rdo rje 'chang / rdo rje 'chang dbang phyug rab brtan/ khyab bdag mgon po bsod nams mchog ldan bcas kyi 'dra sku rnams la sku pang dbu zhwa/ mkhan chen gyi dbu thog tu dbu gdugs bcas dang / thub dbang gi phyag gi lhung bzed khebs su gos khra bsgrigs kyi rten khebs/ snyan shal nang mdzod/ nye sras khro bo bcas la so sor snyan shal bsod btags rnying ma gnyis re ste khyon nyi shu rnams 'bul sbyor mdzad pa'i/ na bza'i rgyur bzang gos sna tshogs kha nyis brgya dang bdun cu don gnyis tsam nang sha dang bcas pa stsal/ shing phag ston mjug nas bzung ngos mched 'khor bcas kyis gtso cher gong sa rgyal dbang mchog la mjal phyag zhu ba dang / dbus lho byang gi gnas rten dge 'dun gyi sde bcas mjal bar phyin skabs/ lha sa/ bsam yas sogs su bka' shog rim par pheb ste rnam 'dren dam pa gong gi gdan sa ga la bar yang bcar dgos tshul pheb don bzhin/ rim gyis khra 'brug tu slebs pa'i sang nyin de yar klung mdo'i gtam snyan bzhugs khri'i drung rje 'di nyid slob tshogs dang bcas pa pheb 'dug pas de 'phral rta babs te mjal dar phul/