[A:232]ma rnams la mang 'gyed dang / der 'dus ser skya rnams la chos 'brel du thugs rje chen po'i sgom lung sngon 'gro'i chos bshad dang bcas pa shin tu rgyas par stsal bas/ phal cher gyi mig mchi mas gang zhing dad gus kyi ba spu ldang ba dang / grub thob chen po dngos byon pa lta bu'i dga' spro rgya cher thob par gyur te/ slar yang lha ldan du chibs bskyod/ grub pa'i dbang po me long rdo rje de nyid slar yang gter ston chen po bde chen gling pa'i dbon brgyud du 'khrungs shing / sgrub pa snying por mdzad pas rtsa gsum rgyal ba'i tshogs kyis dngos nyams su zhal bstan zhing gsung gi dbugs dbyung ste zab mo'i gter la rang dbang du gyur cing / rgyal dbang padma'i lung gis mngon par gzengs bstod pa'i gter ston chen po gar dbang las rab rtsal gyi drung nas/ yang rdzong gi gter byon thugs sgrub kyi skor yongs su rdzogs pa/ dag snang bla sgrub kyi sko tshe sgrub kyi skor/ rig 'dzin chen po thugs mchog rdo rje rtsal gyi gter byon gtum po nA ga rakSha'i skor/ gzhan yang padma khrag 'thung gi skor sogs mang du gsan/ pha bong kha mkhan po sogs la/ mkha' spyod ma'i skor yongs rdzogs/ chos nyid dngos bstan gyi byin rlabs khrid lung dang bcas pa/ indra dang mai tri gnyis kyi dbang lung / dur bdag gi rjes gnang lung dang bcas pa/ thugs rje chen po rgyal po lugs kyi zhi drag gi dbang / khrid lung yongs su rdzogs pa sogs zab chos rgya cher stsal/ de ltar phyogs de'i gdul bya rnams re zhig de tsam du dgongs nas snye thang du chibs bskyod/ bod 'brug chos rje