[A:233]sogs bsnyen rdzogs rab byung mang du mdzad/ chos rje la mtshan mkhyen rab ngag dbang blo gsal phun tshogs su 'dogs par mdzad/ der yang mkha' spyod ma'i byin rlabs dang / lam 'bras thob pa rnams la lam dbang sogs chos bka' mang ba dang / btsun chung chung ngu rnams la'ang rab byung dang / lus bsgyur ma tshar ba rnams la'ang skyabs sdom tshun thugs khur chen pos mdzad pa sogs lugs gnyis kyi dpal 'byor phun sum tshogs pas ci dgar tshim par mdzad/ zla ba lnga pa'i mgon po sgrub mchod du bzhugs par zhus kyang zhal gyis ma bzhes par nyer gsum la 'phags sde nas chibs bskyod/ rim bzhin bsam gtan chos gling dang she'u grong rnams su chibs bsgyur/ she'u grong du'ang dge 'dun rnams la tshe dbang sogs stsal te zhag kha yar bzhugs dgos tshul gyi gsol 'debs nan tan zhus rung zhal gyis ma bzhes bar bzhugs zhag gsum mdzad nas rmor dgon du pheb ste phyogs nas ched gtad 'byor pa 'ga' zhig la gsung chos ci rigs stsal/ de'ang snga lo rnams nas lha ldan du bzhugs ring gi bsngo rten gyi gos zan sogs phal che ba 'phags sde/ she'u grong rmor dgon ma lag bcas la so sor nyin bzhi lnga la nyung mtha' byas pa'i zhabs brtan du ched dmigs kyi sgrol ma 'don pa'i yon du 'gro bar gnang gin yod pa ltar/ 'di lo'ang dgon so sor nyin bzhi lnga tsam re'i sgrol 'don gyi mang ja bzhes thug dang / gsol ba yon sogs gzabs rgyas dang / rmor dgon du'ang sgrub mchod 'dzugs pa dang rmor chen rdo rje 'chang gi sku mchod thog