[A:235]la/ /glo snying brang gsum gtod cig /'di phyi bar do gsum du/ /'di yis bslu ba med pas/ /ma nor lam la 'bungs shig /ces gsungs pa'i don rnams bdag cag gi skyabs mgon mtshungs pa med pa nyid kyis thugs kyi klong du sim par mdzad nas/ thos pa de dag thams cad kyang / /ming rkyang tsam du ma bzhag go /zhes pa ltar/ mkhas grub kyi bla ma 'ba' zhig bsten nas thos pa mdzad pa yin te/ rje nyid kyi gsung las/ yul dbus gtsang khams gsum chu bzhin nyul/ /chos dbang lung gdams pa'i bang mdzod 'dzin/ /nga phyogs 'dzin a 'thas mi che bas/ /bod gangs can sangs rgyas bstan 'dzin pa/ /mtshan mi 'dra sa rnying kar 'brug dang / /dge ldan zhes 'khrul med bstan 'dzin kun/ /dad mos pas mjal zhing zab chos zhus/ /nga chos dad che yang rtog dpyod can/ /chos 'khrul zad khungs thub 'bad pas nyan/ /nor snyan grags kyi rjes su nga mi 'brang / /zhes 'byung ba ltar mkhas grub du ma zhig bsten par mdzad pa yin te/ gang gi rnam thar gsol 'debs tshigs bcad ma las/ mtshungs med mkhas grub bla ma bcu phrag gsum/ /lnga phrag dag gi zhabs pad nyer bsten nas/ /smin grol bshad sgrub gdams pa'i bdud rtsi'i bcud/ /ngoms med gsol ba chos kyi rgya mtshor 'dud/ /ces gsung pa ltar rnam thar tshigs bcad ma 'di ljags rtsom gyi tshe'ang mkhas grub dam pa 'di tsam zhig bsten par mdzad zin la/ phyis nas de bas kyang ches mang ba zhig bsten par mdzad pa rnams rtogs sla ba'i phyir 'dir phyogs