[A:234]mang 'gyed/ 'dra sku rin po che sogs la gser chab/ snyan shal/ dkar me rgyun 'dzugs sogs kyang sngar rgyun bzhin mdzad do/ /de dag gi don bsdu na/ spyi bye'i bstan 'gro'i don slad dbus ljongs khag /yang yang gshegs shing zab don gsan spel dang / /bsdu dngos phyin drug gang 'dul der ston mdzad/ /gnas gsar 'jam mgon ngo mtshar rab 'byams yin/ /zhes so// ! gnyis pa mchog gi mdzad pa byed brag tu bshad pa la/ rang don thos bsam bsgoms pas thugs rgyud ji ltar sbyangs tshul dang / gzhan don 'chad rtsod rtsom pas thub bstan ji ltar spel ba'i tshul gnyis/ dang po la zab mo'i nyams bzhes ji ltar mdzad pa'i tshul dang / de la brten nas grub pa'i mtshan ma ji ltar brnyes pa'i tshul gnyis las/ dang po ni/ mkhas mchog dbyig gnyen zhabs kyis/ tshul gnas thos dang bsam ldan pas/ /bsgom pa la ni rab tu sbyor/ /zhes dang / mgon po byams pas/ gal te thos pa tsam gyis don mthong 'gyur na sgom pa don med 'gyur/ /gal te ma thos par yang bsgom 'jug 'gyur na bstan pa don med 'gyur/ /zhes dang / 'jam mgon bla ma sa skya paNDi ta chen pos/ mkhas pa rnams kyis legs bshad rnams/ /shin tu legs par go bzhin du/ /de don nyams su mi len na/ /bstan bcos shes kyang ci zhig bya/ /zhes bstan pa rin po che'i sgor zhugs pa dag gis thos bsam sgom gsum zung 'brel gyi tshul du thos don nyams su bstar dgos par gsung zhing / de'i tshul yang sems dpa' chen pos/ nyams su len pa'i chos