[A:23]lo bde mchog 'di la bag chags chen po zhig yod par 'dug /'di'i bsgom bzlas g.yel na yang yang bskul ba'i nyams byed kyin 'dug gsungs pa dang / 'dar grong mkhan chen ngag dbang shes rab sku drung na bzhugs skabs/ gsungs las/ bde mchog gi bsgom bzlas 'di la yang yang bskul ba zhig gda' ste/ kha sang nas kyang khams phrug zhig gis rgya mthongs kha 'dir bde mchog gi rtsa sngags dag gsal 'don pa zhig byung gsungs pa sogs grub pa'i slob dpon chen po rdo rje dril bu par yang sku skye bzhes te/ de'ang slob dpon 'di ni rgya gar shar phyogs bha randrar rgyal rigs su 'khrungs shing / rab tu byung ba'i mtshan blo gros snying po zhes yongs rdzogs kyi paNDi ta chen por gyur te/ mu stegs kyi rtsod pa las rgyal bas dgra las rnam rgyal du'ang grags shing / dha ri ka pas rjes su bzung nas 'khor lo sdom pa'i dbang dang gdams ngag gsan te bhangga la'i nags khrod du sgrub pa mdzad pa'i tshe nam mkha' nas o rgyan du phag rdzi mos rjes su 'dzin par lung bstan gyi sgra byung bas der byon te/ phag rdzi mo dang mjal ba'i tshe ye shes mkha' 'gro ma'i sku dngos su bstan te/ 'khor lo sdom pa'i dbang dang gdams pa gnang nas/ o Di bi sha'i bas mtha' zhig gi nags khrod du sgrub pa mdzad pas bskyed rim mthar phyin/ rdzogs rim rim lnga'i las rgyar slebs pa na/ yul de'i rgyal po nags khrod du ri dwags kyi rngon par byung tshe phyag dang zhes ma mdzad pas rgyal po khros nas/ chang 'tshong ma'i bu mo padma can zhig yod pa de dma' dbab tu btang bar/ las rgya mdzad nas rgyal pos bu mo la dge slong khrig shog byas