[A:24]te/ grong gseb tu chang bum bsgrigs nas slob dpon byon pa'i tshe sprul pa'i sras dang sras mo g.yas g.yon du rgyug cing / jo mos chang bum bteg ste rwa bshor du blugs pa gsol zhing byon pa na/ rgyal pos spyan drangs tshe mi 'ong / chang 'tshong ma'i bu mos bos na 'ong ba zhes thams cad kyis khrel btab pas rwa bshor brdabs pas rim bdun sa 'og nas chu byung ste/ slob dpon nyid he ru kar byas/ jo mo phag mo/ sras rdo rje dang / sras mo dril bur bsgyur nas nam mkhar gshegs pa na/ kun gyis bzod par gsol bas thugs rje chen po la gsol ba thob gsungs pa dang / de bzhin byas pas/ chu'i dbus nas thugs rje chen po'i sku rang byung zhig byon te/ de la chus bskor ba lan bdun byas nas chu sa 'og tu thim/ yul phyogs de thams cad rdo rje theg pa la bkod do/ /yang paN chen gang ba spel du zhal gyis bzhes pa'ang / chu sprel lor 'dar grong chen du mkha' spyod ma'i khrid sogs chos 'khor bskor tshe/ nyin gcig zhal slob kyi gras rdzong ri rab 'byams pa/ lha rtse chos sde'i dbu byed blo bzang 'gyur med/ sa dmar chos mdzad skal bzang phun tshogs gsum la gsol ja dang gung tshigs gsol ras stsol skabs/ dbu byed des sku zhabs kyi rnam thar sku phreng gsol 'debs dang bcas pa zhig ljags rtsom zhus pas/ gsol 'debs 'ong min gyi lan ci'ang mi gsung bar/ rgya gar du mdzod la 'grel bshad mdzad pa'i slob dpon gang ba spel de yin pa gsal por 'dug gsungs nas/ rdzong ri rab 'byams pa la spyan cher gzigs te/ ri bo che'i mkhan chen de la mkha' 'gro'i gsang lung mang po