[A:241]chos su ma song bar sngon 'gro rnams thugs rgyud la skye nges dang / bskyed rim la gsal snang thob cing / rdzogs rim bde stong zung 'jug gi lta ba'i yang rtser pheb pa zhig ste/ gsung las/ nga chung ngu'i skabs bskyed rim la rtsal sbyong ba'i tshe mi 'ga' re dang 'phros gtam lab kyang / de'i mig gi rgya mo'i nang du kye rdo rje'i dkyil 'khor rten dang brten par bcas pa gsal e thebs lta zhing sgom pa yin gsungs pa la sogs pa bsam gyis mi khyab pa'i rnam thar yod par sems shing / /gnyis pa ni gong gi de nyid las/ dag pa'i rmi lam nyams kyi snang ba la/ /bla ma yid dam chos srung nor lha yi/ /gsang gsum rnam 'phrul ngo mtshar ji snyed pas/ /byin rlabs mtshan ma brnyes pa khyod la 'dud/ /ces gsungs pa ltar/ zhal gzigs lung bstan gyi rigs dang grub pa'i rtags mtshan la sogs pa dpag tu med pa zhig byung bar gor ma chag kyang sba ba kho nar mdzad gshis gsal bar mi gsung la/ gal te gsungs kyang mnal lam gyi zol dang / dngos su byung ba ltar gsungs pa zur tsam las mi gsung ba bsnyel tho 'dra'ang mi snang bas/ rgyas par 'bri rngo ma thogs shing / rang gzhan gyis mthong thos cung zad byung ba rnams bkod na/ dgung grangs gsum tsam bzhes pa'i dus rnal 'byor pa sngags dkar lcang lo'i tshul can shin tu bag dro ba zhig gis gzims khang du byon nas byin rlabs mdzad pa dran te/ rjes su yum sogs kyis ma nges par 'dug gsungs pa dag snang zhig yin nam snyam/ sku na phra mo'i skabs ljags kyi steng du a yig gsal por yod pa sogs gong gi gseb tshags sna