[A:251]rgyal gdon gyis nyen pa du ma'i don yang bsam gyis mi khyab par mdzad mod/ zhi ba byang chub kyi thugs kho na'i sgo nas gtor ma sbyin zhing bka' bsgo sbyong ba sogs mdzad pas/ de dag zhi zhing slar mi 'byung ba yin la/ drag spyod sogs ye mi mdzad/ char dbab gcad sogs thun mong gi las tshogs rnams kyang thogs med du 'grub cing / sku na gzhon nu'i dus rdzas sngags kyi sbyor ba sogs mdzad pa'i tshe char ji ltar dkon yang char 'bebs rdzas skyel bar char rdung ma byung ba mi srid pa lta bu dang / dus phyis kyang char dkon pa'i tshe sbyong khrus dang cha gsum gtor ma re mdzad pa'i nyin gsum tsam na char shin tu che ba 'babs pa mngon sum du mthong bas dam pa 'di nyid gang du bzhugs pa'i phyogs su char chu phun sum tshogs par 'byung ba yin la/ /! yang zhabs gras em chi shes rab rgya mtsho sogs kha shas la sman gyi lha mo'i rjes gnang gnang skabs gla rtsi lta bu'i dri bsung kun gyis tshor ba byung ba ni/ sman dpyad kyi sgo nas 'gro don rgya cher mdzad pas sku dang grib ma ltar 'grogs pa'i ltas sam snyam pa dang / lhag par thugs rje chen po'i mig 'byed kyi sgo nas gtsang dbus kun tu sman pas bor ba'i nyam thag du mar gsal byed kyi dga' ston stsal bas sman pa rnams kyang ya mtshan gyi dpal la bkod/ phyi ltar byang chub kyi thugs 'byongs pa dang / nang ltar gdams pa'i zab gnad gzhan dang mi 'dra bas dregs ldan du mas zhabs la 'dud pa/ legs skyes 'bul ba/ bka' bzhin sgrub par dam bca' ba sogs dang / yul phyogs gang du bzhugs kyang gzhi bdag gis