[A:252]mthun rkyen sgrub pa sogs ngo mtshar zhing rmad du byung ba'i rnam par thar pa du ma snang ngo / /de dag gi don bsdu na/ thos bsam sgom gsum mthar phyin bstan pa'i bdag /byams dang thugs rje'i gter chen sems dpa' che/ /nyams dang rtogs pa'i rtser son grub pa'i dbang / /gnas gsar 'jam mgon bstan pa'i mdzad pa yin/ /zhes so/ /gnyis pa gzhan don 'chad rtsod rtsom gsum gyi sgo nas thub bstan ji ltar spel ba'i tshul ni/ grub dbang sangs rgyas rgya mtshos mdzad pa'i gsol 'debs las/ 'chad blo gsal mkhas kun yid rab 'phrog /gsung dgongs 'grel 'bel mchid dga' ba skyed/ /rtsom legs pa'i dgos don 'byung ba'i gnas/ /rje gnas gsar chos rje/ /zhes pa ltar/ bdag cag rnams kyi mtshungs pa med pa'i skyabs mgon dam pa 'di nyid kyis bstan pa'i bya ba thos bsam sgom gsum la brtson pa rab kyi pha mthar son te/ mkhas btsun bzang gsum dang mkhyen rtse nus pa'i yon tan phun sum tshogs pa la rang dbang 'byor pas mkhas pa'i bya ba 'chad rtsod rtsom gsum gyi sgo nas rgyal ba'i bstan pa rin po che ches cher rgyas par mdzad pa ste/ de'ang 'chad pa nyi ma'i 'od zer gyis blo gsal blo gros kyi pad tshal rgyas par mdzad pa'i tshul ni/ bdag nyid chen po 'dis yongs 'dzin du ma'i zhal bum las 'ongs pa'i chos tshul zab mo'i bdud rtsi rnams brtson pa gnyis kyi snyim pas yang yang gsol zhing blo gros ro 'dzin gyis dges par myangs pas lung rtogs yon tan gyi bcud kyis rdo rje gsum gyi sku brtas par gyur te/ mdo sngags gnyis kyis bsdus pa'i lam srol