[A:255]'di yin/ rgya gzhung dang bod gzhung 'di snyed cig mchis pas de rnams babs bsgrigs nas bla mas kyang bshad/ slob mas kyang don gnyer chen po'i sgo nas mnyan te chos kyi babs go bar byas na 'chad nyan rnal ma zhig 'ong ba yin gsungs shing / gzhan la dbang khrid sogs mdzad pa'i tshe rgyas 'bring bsdus gsum gyi gsung bshad chu 'babs ltar dang / dmigs pa'i gnad phra mo tshun chad kyang ma chad pa/ gong 'og ma 'dres shing / ma 'chol ba/ gsal zhing rtogs sla yid la 'jebs pa/ bka' khrid lta bu'i skabs kyang / dang po sa bcad las je rgyas su 'gro ba ma gtogs/ sa gzhung mi mtshungs pa'i hol khongs sogs mi 'byung bar ma zad/ rang lugs gang yin rgyas shing mtha' chod par gsungs pa las/ gzhan lugs la zur mi za zhing / grub mtha' so so'i nyer mchod sgrig tshul gyi bar ma 'dres par mdzad pa sogs/ mdor na kha'u brag rdzong pa'i bla ma gong ma rnams kyi rnam thar ji lta ba bzhin mchis shing / khyab bdag bka' 'gyur ba'i rtogs brjod las/ sku che ba'i yon tan brjod skabs su gsungs pa rnams skyabs mgon dam pa 'di nyid la yongs su rdzogs par mnga' ba yin pas/ bdag sogs gdul bya rnams chos zhu bar bcar ba'i tshe yid dga' yal le/ shes pa spro sing nge ba'i ngang nas chos thun yun ring po ji tsam mdzad kyang dub pa'i rnam pa cung zad kyang med cing / nged rang lta bu blo rmongs kyi rigs rnams mig phye ba ltar 'gyur ba sogs gzhan du lo brgyar sbyangs pa byas pa las/ rje'i drung du chos thun gcig nyan pa don che'o/ /rtsod pa rdo rje'i