[A:254]ngag gi sarga ma log pa/ mos gus kyi bsam pa tshim pa ste snyan brgyud bzhi sogs kyi sgo nas go rim ma 'chol bar dkri bar mdzad la/ thugs kyi lhag bsam kyang / dbyig gnyen gyis/ chos sbyin nyon mongs can min pas/ /mdo sogs ji bzhin yang dag ston/ /zhes dang / bslab btus las/ chos kyi sbyin pa zang zing med/ /bsod nams 'phel ba'i rgyu yin no/ /zhes gsungs pa ltar rnyed pa dang grags pa bsgrub pa'i kun slong rnams rgyang ring du spangs te bstan pa dang sems can gyi don kho na la dgongs nas/ sku ngal dub kyi tshogs khyad du gsod pa mdzad pa ni sku 'khor ba sogs mtshan dpe'i snang ba mngon du gyur pa'i skye bo kun gyis shes pa ltar ro/ /de mthun gsang sngags kyi zab chos bka' nub pa rnams la thugs kyi phongs sems chen po dang / chad du nye ba dag kyang rgyun chad dogs mi bzod pa lta bu mdzad cing / zhal nas kyang chos 'di dang 'di'i bka' nub pa de phongs po rang yin 'dug /da dung dbang dang rgyud bshad sogs rgya che ba'i rigs rnams rgyun ma nyams tsam byung na snyam spel gang thub byed bsams kyang / dus dbang gis rgyun ring ma byung dogs pa ka 'ong gin snang bcas yang yang gsung ba thos la/ de ltar mdo rgyud man ngag dang bcas pa'i zab chos gang 'chad kyang sla bcos dang / mi 'os pa'i ris 'gre/ rung mthun dang / rang bzo sogs kyi dri ma mtha' dag dang bral ba/ rang rang la skabs su babs pa'i thun mong dang thun mong ma yin pa sbyar 'os pa rnams ma lus shing / mi 'os pa cung zad kyang ma lhag par chos de dang de'i brgyud pa'i rtsa ba ni 'di nas brgyud/ rten gzhi rgyud