[A:269]ltos pa sogs phal pa'i blo yul las 'das pa zhig 'ong 'dug pa de kha yin khul gyi rmor em ji lhun grub dar rgyas nas gsol sman 'bul ba sogs sngar rgyun bzhin byas 'dug kyang / dwangs bskyed cher ma byung bar/ stag rtse em ji 'phral 'bod gnang ba'i 'phrod gzhes rnams kyang 'dod pa bzhin dang bzhes mdzad/ chos sde sogs dgon pa phan tshun rnams su zhabs brtan sku rim bsgrub rgyu 'phral rdzong dang / rmor rang du'ang sgrol 'don dang bskang ba 'dzugs pa sogs mdzad/ tshes bcu'i nyin rdo rje phreng ba'i lugs kyi sa thig bskor bar thur 'dzugs kyi phyogs 'tshol mdzad de 'di nas brtsis pa'i phyogs kyang lugs 'di ltar yin 'dug ces brda sprod dang / rig 'dzin skal bzang rnam grol/ zhabs 'bring pa dge slong ngag dbang 'jam dbyangs/ blo gsal rab rgyas bcas la chos rje sa paN gyis mdzad pa'i lam sbas bshad kyi lung stsal ba gsung chos kyi tha ma yin/ tshes bcu gcig bcu gnyis sogs su spyan nam mkha' la gzigs nas gsung gleng ci'ang mi mdzad par yun ring bzhugs pa lan mang por mdzad/ tshes bcu bzhi'i nub mo nas bsnyun gyi rnam pa ci'ang med cing nyin par mnal gyi rnam pa yod tsam byung / tshes bcu drug nyin gzims chung 'di tshad pa che gshis nang shar mar spos shig gsungs pa bzhin sku chas rnams rags tsam bsdus nas der bzhugs gdan 'jags/ de'i nyin zhal mdangs cung ngan par zhabs 'bring pa sbyin pa rgya mtshos phyag dbang zhus skabs mchi ma bton par/ zhal 'dzum mdangs dang bcas mchi ma 'don mi dgos/