[A:270] dga' mo 'ong 'gro zhes sems bso mdzad/ de'i mjug tsam du phyag mdzod 'jam dpal nas kyang de ring sku khams cung zad zhan pa ltar snang bas bdag sogs mgon med rnams la brtse bar dgongs te zhabs pad brtan par bzhugs dgos zhes mchi ma 'don zhing zhus par/ zhal 'dzum dang bcas te/ de 'dra'i skyag re chung ba byed mi dgos/ grub thob gong ma'i gsung las/ nga 'chi bas mi 'jigs skye bas 'jigs/ /skye ba las kyi rjes su 'brangs/ /zhes gsungs pas/ spyir 'chi ba 'di skye 'phags kun gyi lam po che yin pas 'jigs rgyu med/ 'chi ba gcig pos mi chog skye ba len dgos/ /de la rang dbang thob pa zhig med na 'jigs pa yin mod/ 'on kyang kho bo cag lta bu dam pa gong ma khyad par can de rnams kyi rigs su skyes/ bla ma mtshan nyid dang ldan pa du mas rjes su bzung / bsam pa rnyed nas da bar chos kyi bya ba ma gtogs mi dge ba'i las ni ma bgyis/ mi lus mi 'thob pa'i don med/ skye ba 'dra 'ong shas che bas rtsad chod/ dpe cha dbang rdzas rnams ma bor bar gyis/ bu chung dang khyed rang gnyis gcig la gcig dgos pa 'ong bas sngar lugs bzhin du mthun pa gyis zhes sogs bka' slob rgyas par stsal/ lar sku tsha nam mkha' rin chen 'di la dus rgyun du bu chung zhes 'bod par mdzad cing / 'di nga'i yab rgyal po de'i skye ba 'khrul med yin/ chos sgor zhugs na bla ma nga rang las kyang lhag pa zhig 'ong tshod dang / yang na khyim so zhig zin pa legs 'dra'ang / sde pa nor 'dzin dbang pos thugs snang ci'ang mi snang zhes yang yang bka' pheb pa'ang