[A:26]ldan dpal 'byor gyi dag snang lung bstan du/ sngon gyi dpal ldan chos grags de/ /mkhas grub mang po rim brgyud de/ /da lta kun dga'i mtshan can 'dir/ /tshad ma'i bag chags mang du sad/ /sbyong mi dgos pa'i blo tshogs rgyas/ /shes bya rig pa'i gnas lnga la/ /blo stobs shes rab dpa' rtsal rgyas/ /zhes gsungs pa ltar/ slob dpon 'di ni rgya gar lho phyogs rgyal dbang gtsug gi nor bu zhes par mu stegs kyi bram ze'i rigs su 'khrungs te/ chung ngu nas sgra mkhas par mkhyen/ zhang pos rab byung gi chas ma ster ba la khros nas mu stegs pham par bya'o snyam ste nang pa'i bstan pa la rab tu byung nas/ dbang phyug sde las tshad ma kun btus tshar gsum gsan pa'i gnyis pa la slob dpon las kyang mkhas par gyur pas/ slob dpon gyis/ khyod kyis nga'i grub mtha' nor ba phyogs sngar bzung la kun btus kyi 'grel pa rtsoms gsungs/ chos grags kyis kyang grangs can grub mtha'i gsang tshig shes ched/ zhang po'i chung ma'i g.yog byas te/ de'i ngag bzhin nyan nas gnad rnams dris pas mkhyen pa dang / mkhas pa yod na rtsod par byed do zhes bsgrags pas phar cher bros/ rtsod pa byas pa rnams rig pas tshar bcad de chos kyi lam la bkod/ rgyal po me tog rgyas pas mkhas pa su yod dris pa na/ mkhas pa yod tshul gyi tshigs bcad mthar/ phyogs las rnam par rgyal ba nga min su/ /zhes gsungs pas dad de sbyin bdag byas nas sde bdun dang rnam 'grel gyi le'u dang po'i 'grel pa mdzad nas mkhas pa'i gral