[A:27]'grims pas phal cher gyis ma shes/ shes pa rnams kyis phrag dog byas te/ khyi mjug la btags pa dang / rten 'brel 'dis nga'i bstan bcos dar bar 'gyur ro zhes gsungs nas mnyes so/ /rgyu mtshan de'i phyir bu ston gyi rnam thar sgra tshad pas mdzad pa las/ 'dzam bu'i gling 'di'i lho phyogs kyi rgyud phal che bar mkhas pa paNDi ta'i skye ba brgyud mar bzhes nas/ phyi rol mu stegs kyi rgol ba thams cad rmeg med par bcom/ nang pa sangs rgyas pa'i bstan pa nam langs pa la nyi ma shar ba ltar mdzad nas bstan pa'i rtsa lag chen por gyur/ ces gsungs pa ltar dang / yang nam mkha'i snying po'i sprul pa yin pa ni/ ratna'i spyi lung las/ nam mkha'i snying po'i smon lam sprul pa'i sku: /kun dga'i ming can gtsang gi phyogs su 'byung : /zhes dang / chos mdzad ma a snying dpal mos zhus ngor stsal ba'i rje nyid kyi gsol 'debs zhal gsung ma las/ rgyal ba kun dngos padmas rjes bzung zhing / /brtse chen chos kyi dga' ston 'gyed mkhas pa/ /legs pa'i blo gros rgyal sras rdo rje 'dzin/ /grub gnyis phan bde'i 'byung gnas zhabs la 'dud/ /ces dang / dag snang du grub dbang thang stong rgyal pos stsal pa'i zhabs brtan gsol 'debs las/ rigs brgya'i khyab bdag padma kA ra yis/ /tshe rabs du mar rjes bzung 'chi med kyi/ /rigs su bstan 'gro'i dpal du legs 'khrungs pa'i/ /'gro ba'i re gnas lo brgyar 'tsho bar shog /ces gsungs pa ltar/ dge slong nam mkha'i snying