[A:273]bshad chos kyi 'byung gnas gzhan du gshegs/ /bdag sogs rjes 'jug skal bzang zad 'dir skyo/ /mgon khyod gang 'dul 'gro ba'i don mdzad phyir/ /ris med dam pa'i zhal gyi bcud gsol zhing / /sku gsung thugs rten smin grol nyer mkho'i chas/ /da lta grangs med so sor skyo ba 'phel/ /mnga' ris dbus gtsang khams sogs grangs med 'gror/ /'dzum zhal snyan gsung brtse ba'i thugs 'chang ba/ /da ni yongs rdzogs dor nas gzhan du gshegs/ /dag pa'i zhing na 'gro don 'phel gyur te/ /sngon tshe 'khrul zad grags pa rgyal mtshan la/ /bde ba can du spyan 'dren bkod pa'i tshe/ /ma dag zhing la rjes brtse'i gsung byon yang / /mgon khyod thugs kyi 'dzin gtong 'gyur ram ci/ /'on kyang 'di lta'i gnas skabs mi zad pa/ /rnam 'dren dam pa'i skyon du mi 'tshal gyi/ /thog med 'khor bar las nyon khur ldan pa/ /skal dman bdag sogs rnams kyi skyon du mchis/ /gang gi brtse chen gsung las 'di skad du/ /'khor 'das chos kun sems kyi cho 'phrul te/ /zung 'jug brjod bral don gyi bla ma zhes/ /legs par gdams 'di kho na ngal bsor thob/ /des na deng nas byang chub ma thob bar/ /dus gsum dge tshogs mchod sprin rgya mtshor 'bul/ /nam yang 'du 'bral med par rjes bzung nas/ /gdod ma'i mgon po'i 'dzum zhal myur mthong shog /de nub zla khyim dang 'brel ba'i 'ja' sprin phra mo mang pos khengs shing / de nas bzung nyin kun nam mkha' g.ya' dag pa dang / mtshan kun char rgyun chen pos sa gzhi brlan par byas so/ /de nas