[A:272]btsun sa skya pa'i bstan pa rin po che/ yang sgos tshar chen chos kyi rgyal po'i snyan brgyud kyi bstan pa rin po che rnams kyi ched dang / bdag cag mgon med nyam thag rnams kyi don du yang srid gsal dwangs myur du 'byon dgos zhes sogs kyi gsol 'debs dang / rig 'dzin skal bzang rnam grol nas kyang gong bzhin gsol ba btab pas thugs dam du bzhugs zin pa las slar yang cer gyis gzigs pa ni de ltar bgyi'o zhes zhal gyis bzhes par nges so/ /'dir smras pa/ mi mjed 'gro la rjes chags shAkya'i rgyal/ /bsil ldan gdul bya'i skyabs gcig pad dkar 'chang / /mkhas grub du mar rnam rol gnas gsar rje/ /mgon khyod snying nas dran no brtse bas dgongs/ /rigs rus cho 'brang ldan pa mtshan dpe'i sku/ /zhing dul 'dzum mdzes dri zhim ngur smrig g.yo/ /deng dus mngon sum spyod yul ma gyur na/ /kyi hud rdo rje'i sku de gang du gshegs/ /shes bya'i gnas kun 'doms pa dpal gyi mgur/ /'jam zhing snyan pa'i dbyangs kyis blang dor ston/ /deng dus cha tsam thos par ma gyur na/ /kyi hud thar 'dod lam mkhan su yis byed/ /mkha' khyab rgyal ba kun dang ro gcig thugs/ /lnga bdo'i 'gro la thugs rje'i gter 'chang ba/ /deng dus gzhan du g.yel ba'i tshul ston na/ /kyi hud gdul bya khrel bar ma gyur grang / /skye rgu'i phan bde'i rgyal bstan dar ba'i gzhi/ /thub pa'i rgyal tshab bstan 'dzin la rag na/ /gangs khrod mkhas grub du ma gzhan du gshegs/ /yang dag bstan pa'i rgyun 'di ci 'drar 'gyur/ /khyad par rdo rje 'chang dngos sa skya pa'i/ /yang zab bstan pa'i nying khu kha'u pa'i/ /slob