[A:287]bzung srod/ tho rengs/ nyin bar sogs btang snyoms su sdod skabs sems la skyo shas dang / khyad par da ni rje btsun gong ma'i thugs dam chag med kyi rim pa kha gso ba rnams kyang zhu yul shin tu dkon snyam pa'i 'dun pa dung dung lhang lhang bcas re zhig gi bar la kha 'don dge sbyor rtag 'grus su gyur kyang chos dred can kho la ni gting nas nges 'byung ma skyes pa'i rtags kyis rim pas je lod du gyur kyang / cung zad bgyis pa rnams rtsa ba'i bla ma dam pa bka' drin can rnams kyi dgongs rdzogs su dmigs khul dang / khyad par rje de nyid kyi dus chen dang bstun 'jigs byed bcu gsum ma'i rdul tshon gyi dkyil 'khor sgrub mchod zhag bzhi'i khongs ya ma rA dza bzhi stong brgal ba dang / rje de nyid kyi gsol 'debs bzhi brgya lhag tsam bgyis shing / dkyil 'khor mchod pa'i yo byad rgyas pa dang / dus chen nyin dpal sa skya'i lha khang chen mo'i mthil g.yab gtsug lag khang na nged rang nas gsar bzhengs rdo rje 'chang de nyid kyi 'dra sku sku tshad lhag tsam/ dbu zhwa/ na bza'/ phyag phreng / phyag cha/ mchod pa'i yo byad bcas rnam 'dren dam pa de nyid kyi nyer spyod ngo ma kha shas kyis spras te bzhugs pa'i drung du mchod me zhal zas 'bul ba dang / gzhan yang gong gi gsung gi bdud rtsi cung zad myong skal du gyur pa rnams bstan 'gro'i ched so so'i skal ba dang / mthun par spel ci thub dang / rje btsun sa skya pa'i bstan pa'i rtsa ba 'khon rigs spel dgos pa'i bka' stsal sogs ngal ba mtha' dag dang du blangs te dpal ldan bla ma dam pa'i dgongs rdzogs su stob khul yin kyang bka' drin gyi cha tsam yang gzhal bar