[A:288]dka' bas/ skye ba dang tshe rabs thams cad du bla ma dam pa'i zhabs drung du skyes te/ rnam kun don yod kyi bgyi bas thugs kyi dgongs pa yongs su rdzogs pa zhig byin gyis brlab tu gsol/ de dag gi don bsdu na/ tshogs gnyis zung 'jug snang ba 'gog med du/ /shar bas sku gsung thugs rten dge rgyun bcas/ /mi nyams dbyar mtsho lta bur rgyas par mdzad/ /gnas gsar 'jam mgon kun bzang thugs bskyed yin/ /zhes so/ /de ltar bdag cag gi rnam 'dren dam pa de nyid ni/ re zhig gangs ljongs lnga bdo'i 'gro ba rnams bsod nams zad pa dang / gdul bya'i dbang gis zhing khams gzhan du gshegs pa'i tshul bstan mod kyang / mchog gi sprul pa'i sku myur du 'byon par zhal gyis bzhes shing / der ma zad rang gi dad pas ma bslus na dngos nyams rmi lam sogs su'ang da lta'i sku phreng 'di nyid kyi rnam pa ji lta ba bzhin du pheb nas rjes su 'dzin pa zhig ste/ bka' 'bangs kyi tha shal za nyal 'chag pa kho bo la'ang / sngon du rang lo nyer gnyis skabs rmi ltas ngo mtshar can de bzhin gyur pa dang / zhing khams brjes nas lcags 'brug khrums zla'i tshes gsum tho rengs khar rmi ltas su gnas gsar rdo rje 'chang dpon g.yog tshang ma sa skya'i bla brang phun tshogs gling gi dbang khang na bzhugs 'dug par nged rang nas mjal te/ lha khang rtse'i ga ya dha ra'i bum chu'i snod la skyon byung tshul de zhus song bar skyon med 'gro gsungs shing / rje nyid la dgongs rdzogs 'bul rten yin snyam pa'i khyad gos kho na phon che ba 'bul nyams dang / zhabs gras sbyin pa rgya mtsho yin snyam pa zhig gis yig brgya mtshal tham