[A:28]po ni/ chos skyong ba'i rgyal po khri srong lde'u btsan gyi dbu'i bla mchod mkhan po bo dhi sa twa las so thar gyi sdom pa thob pa dge slong nam mkha'i snying po la sogs pa mi lnga byung ba gser phye bre re dang bcas rgya gar du gsang sngags rdo rje theg pa'i chos 'tshol du mngags par mdzad pa bzhin pheb ste/ grub thob su yod dris pas/ ro langs bde ba dang hU~M kA ra bzhugs zer ba bzhin/ thog mar ro langs bde ba'i drung du byon pas des bod 'dul ba'i dus la ma babs/ rgyal po ku ku rA dzar chos zhus gsungs/ de nas rim bzhin gser brag bya skyibs tshal na hU~M kA ra bzhugs pa de rtse rgod nag po zhes bya ba zhig gis bstan te sku mdun du thal gyis byon pas/ thugs khros nas bod kyi sdug 'dre sleb byung hU~M hU~M gsung zhing shangs nas me stag tsha tsha 'phros pas dge slong mi lnga dran med du brgyal/ nam mkha'i snying po thog mar thugs dran gsos te/ bdag rnams 'dre min/ bod rgyal pos chos 'tshol du btang ba lags pas/ tshe 'di nyid la rig 'dzin gyi sar 'gro ba'i chos gnang dgos zhus nas gser rnams phul bas/ slob dpon gyis ngas bod 'dul ba'i dus la bab min lha la 'dri'i gsungs nas/ dar cig dgongs par bzhugs nas dus la babs 'dug pas/ gsang sngags bshad sgrub byed pa la dbang thob dgos gsungs nas/ dpal chen yang dag gi dbang bskur/ de'i bskyed rdzogs kyi man ngag las tshogs dang bcas pa gnang bas/ mi lnga'i nang nas nam mkha'i snying po sku bsod/ thugs rab/ thugs rus rnams phul du phyin pas sa la phyag gang tsam ma reg par gshegs