[A:290]che'i mdun gyi spang ri de na yar rje bla ma na bza' gzabs 'phyor gyis pheb pa'i phyag na dar phon dang / rdor dril spus legs shig bsnams te pheb pa'i rjes su mkhan chen rang yang 'byon kyin 'dug pa la phyir bltas su gzigs te/ rdor dril de gnang ba na dges tshor chen po byung ba dang / grong chen gdan sa 'dzin dgos kyi sne sbyor 'ong rgyu'i snga dro'i mnal ltas su rnam 'dren dam pa de nyid mdun gyi nam mkhar bzhugs te gdung ba'i dbyangs lhang lhang gsung ba snyam byed pa sogs mnal ltas ngo mtshar can kha re byung 'dug pa dang / yang rdzong ri rab 'byams pa phrin las la zhal bzhugs skabs rmi ltas su/ rje 'di grong chen bla brang phu'i gzims chung na bzhugs nas bka' chos shig gnang rgyu yin snyam pa la/ gzims chung mdo na chos zhu ba tshogs pa'i khrod du byon te/ spyi bo nas rkang mthil gyi bar la bsrung ba 'dra ba zhig dang mnyam du sdom 'dra ba'i sems can gsum gnang ba khyur mid byas pa zhig dang / nged rang nas rnam thar zin bris shog dril ston rgyur bskur ba'i zhag gsum tsam nas rdzong ri bla brang gi nub sgo'i thad kyi bar snang la rje de nyid khri steng du zhal shar gzigs dang / de 'og dge 'dun kha shas bcas 'dug par bzang spyod yan lag bdun pa'i shwa lo ka re re la bskul mtshams re yod pa bskul bar gnang ba zhig shar 'dug pa bcas/ tshul de lta bu'i sgo nas kyang gdul bya rnams rjes su 'dzin par mdzad de/ de ltar bdag cag gi drin can rtsa ba'i bla ma dam pa dpal gnas gsar ba chen po 'jam mgon bla ma thams cad mkhyen pa ngag dbang kun dga' legs pa'i 'byung gnas theg mchog bstan