[A:291]pa'i rgyal mtshan dpal bzang po bka' drin mtshungs pa ma mchis pa'i zhal snga nas kyi rnam par thar pa tshur mthong byis pa'i snang ngor shar ba re zhig de tsam mo/ /'dir smras pa/ ngag gi dbang phyug 'gro kun dga' mdzad phyir/ /legs pa'i 'byung gnas rgyal dang rgyal ba'i sras/ /theg mchog bstan pa'i rgyal mtshan mkhas dang grub/ /dpal 'byor bzang po sgyur rgyal la sogs pa/ /sna tshogs sprul pas zhing khams mu med par/ /de snyed gsung gis gang 'dul chos 'khor bskor/ /spros kun nyer zhi thabs mkhas brtse chen thugs/ /gting dpag dka' ba'i yon tan phrin las sogs/ /gnas gsar 'jam mgon bla ma'i ngo mtshar gyi/ /rtogs pa brjod pa cha shas re re yang / /bdag 'dra so skyes brjod pa gad mo'i gnas/ /de dang de 'dra'i skyes chen rnams kyis dgongs/ /'on kyang gser gyi ri la gnas bcas pa'i/ /srog chags rin chen mdog tu snang ba ltar/ /chung ngu'i dus nas dam pa'i mgon des bskyangs/ /smin grol chos kyi dga' ston ci yang stsal/ /de la brten nas rang gi mthong ba dang / /dad ldan slob bu 'ga' yis gleng ba rnams/ /cung zad smra ba'i spobs pa thob 'di yang / /rje btsun bla ma'i drin las gzhan du ci/ /'on kyang thog med 'khor bar las nyon gyi/ /bag chags kyis bsgribs don tshig 'gal 'khrul cha/ /mkha' mnyam 'gro ba'i sdig dang lhan cig tu/ /'dren mchog bla ma'i spyan sngar mthol lo bshags/ /rgyal kun yon tan brjod pa'i bsod nams las/ /bla ma'i rnam thar lan gcig